Доцент Қырғызстанның Қазақстанды неліктен сумен қамтамасыз ете алмайтынын түсіндірді

Экономика ғылымдарының докторы Ұлан Чортомбаев әлеуметтік желіде қазақ ағайындарға үндеу жариялады, деп хабарлайды «Zerkalo».

«Құрметті қазақ бауырлар! Сіз біздің көліктерді кеден бекеттерінен өткізіп, шекара бекеттеріңізде ұзын-сонар кезекке тұрғызбайсыз. Мұны сіздерге су беруді тоқтатқанымызбен түсіндіресіз», – деп жазады доцент Чортомбаев.

Ол көктемнен бері Қырғызстан Киров және Орто-Токой су қоймаларынан үздіксіз су беріп жатқанын еске алады.

«Бізде су қалмаса да, екі ел арасындағы келісімдер мен хаттамалардағы міндеттемені толық орындадық. Бірақ бүгінде су жоқ. Сізге не бере аламыз? Қолда барда әдейі су бермейміз деп ойламаңыз. Қазір 21 ғасыр. Барлығын спутник арқылы көруге болады. Бұл судың түбінде балықтар болатын. Осы суды жіберсек, балықтың бәрі өледі. Өйткені, балықтың өмір сүруге құқығы бар. Бір-бірімізге кедергі жасамай, ағайындық қарым-қатынаста жұмысымызды жалғастыра берейік. Шекараларды жаппаңыз, керісінше біздің көліктерімізді жиі өткізіңіз. Ертең тағы да су қажет уақыт келеді. «Татулық бар жерде береке бар». Жақсылығымызды елеп-ескермейік», – деді экономика ғылымдарының докторы Ұлан Чортомбаев.

Фото Ұлан Чортомбаевтың Facebook-тегі жеке парақшасынан