Өткен күндердің істерін прокурорлар ашты
Елордада 2016-2021 жылдар аралығында әрекет еткен алаяқтар сотталды, деп хабарлайды «Zerkalo» Астана прокуратурасына сілтеме жасап.
2016 жылы Астанада жәбірленушіден 300 мың АҚШ долларын алдап кеткен қылмыскерлердің кінәсін прокурорлар дәлелдеді. Алаяқтар өтіп жатқан аукционның нәтижесіне ықпал етіп, кәсіпкерлік кешенінің құрылысын қамтамасыз етуге уәде берді.
Кейін жәбірленушінің материалдық жағдайын білген қаскүнемдер физикалық күш қолданамын деп қорқытып, жәбірленуші мен оның досынан 120 мың АҚШ доллары көлемінде ойдан қарыз өндіре бастаған.
2021 жылға дейін бұл құқық бұзушылықтардың барлығы ашылмаған күйінде қалды. Ал Астана қаласы прокуратурасының нұсқауынан кейін ғана қылмыстық іс қайта қозғалып, жеткілікті сенімді дәлелдер жинақталып, тергеу қорытындысы бойынша айыптау актісі жасалды.
Сотта мемлекеттік айыптаушы сотталушылардың кінәсін дәлелдейтін бұлтартпас дәлелдер келтірді. Олар ұзақ мерзімге бас бостандығынан айырылды.
Фото: gov.kz