Күн саны: «Самұрық-Қазына» қоры қайырымдылыққа 66,6 млрд теңге бөледі

2022 жылдың қорытындысы бойынша "Самұрық-Қазына" қоры "Қазақстан халқына" қоғамдық қорына 66,6 млрд теңге бағыттайды. Барлық ақша қайырымдылыққа жұмсалады, деп хабарлайды Zerkalo ОКҚ сайтына сілтеме жасап.

Дереккөздің мәліметінше, бүгінгі таңда елімізде медицина, білім беру, спорт және әлеуметтік қолдауды қоса алғанда, алты бағыт бойынша 35-тен астам қайырымдылық бағдарламасы жүзеге асырылуда.

Бұдан басқа, ауыр сырқаттары бар 324 қазақстандық жалпы сомасы 24,9 млрд теңгеден астам қымбат дәрілік препараттармен қамтамасыз етілді, 20 пациент жалпы сомасы 585,1 млн теңгеге шетелдік ем алды, сондай-ақ еліміздің төрт өңірінде 4 ерте араласу орталығы ашылды.

Білім беру саласында қор ағымдағы оқу жылына халықтың әлеуметтік осал топтарынан шыққан студенттерге 850 грант бөлді, 17 өңірде материалдық-техникалық базаны толық жаңартумен 17 ауылдық тірек мектеп құрылды. Сейсас 17 облыста тағы 63 мектеп бойынша жұмысын жалғастыруда.

Сондай-ақ, ауылдық жерлерде 24 спорт залы ашылды, ал жақын арада 15 мыңнан астам баланы қамтитын тағы 76 зал ашу жоспарлануда. Өңірлерде жылдам салынатын модульдік спорт залдарын орнату жоспарлануда.

Сонымен қатар, 96 бала мен жас 931,9 млн теңгеге инновациялық протездермен қамтамасыз етілді, 10 параспорттаушыға арналған спорттық-жүгіру протездері жасалды. Параатлеттерге арналған елдегі алғашқы жүгіру мектебі іске қосылды, аутизмі және басқа да ақыл-ой кемістігі бар балаларға арналған 4 орталық ашылды.

Сурет: pixabay.com