Постковид синдромы туралы не білуіміз керек?

Бұл туралы ОКҚ алаңында өткен брифинг барысында медицина ғылымдарының докторы, ҚР Денсаулық сақтау министрлігінің штаттан тыс инфекционисті Бақыт Көшерова айтып берді.

Оның айтуынша, постковидті синдромның он клиникалық нұсқасы бар: өкпенің, жүрек-тамыр жүйесінің, бүйректің, асқазан-ішек жолдарының және т. б.

«Ол адам КВИ-мен қатты ауырған кезде басталуы мүмкін. Ауру 12 аптадан, кейде 6 айдан, бір жылдан, бір жарым жылдан астам уақытқа созылғанда, біз науқаста ковидтен кейінгі синдром бар деп айтамыз», - деді спикер.

Ковид қант диабеті үшін ерекше триггер бола алады. Мысалы, адам ешқашан қант диабетімен ауырмаған, бірақ ковидпен ауырғаннан кейін оның ағзасында глюкоза деңгейі көтеріледі және ковид аяқталғаннан кейін де қалыпқа келмеуі мүмкін.

«Қазір оңалтуға баса назар аударылуда: яғни, стационарлық, амбулаториялық, санаторлық-курорттық. Бұл мәселелер денсаулық сақтау министрлігінің бақылауында, осы бағытта зерттеулер жүргізілуде», - деп атап өтті Көшерова.

Қазіргі уақытта КВИ-дан өткен адам қандай талдаулар тапсыруы керек деген алгоритм әзірленді. Олардың тізімі ауру кезінде байқалған  көріністерге байланысты.