Төрт аяқты эмигранттар: Прагадан Қазақстанға 40 Пржевальский жылқысы әкелінетін болды.
Бұл жабайы жылқылардың популяциясын жандандыру үшін қажет, деп хабарлайды «Zerkalo» ОКҚ-ға сілтеме жасап.
Прагада жабайы Пржевальский жылқыларын Қазақстанға реинтродукциялау жобасын жоспарлау бойынша халықаралық семинар өтті. Оны жергілікті хайуанаттар бағы Қазақстандағы жабайы жылқы популяциясын қалпына келтіру жөніндегі ұзақ мерзімді ынтымақтастық келісімі аясында ұйымдастырды. Құжатқа Қазақстан Республикасы мен Чехия үкіметтері 2023 жылдың сәуірінде қол қойды.
Еуропадағы әртүрлі хайуанаттар бағы мен зоологиялық қауымдастықтардың өкілдері 2024 жылға жоспарланған жылқылардың бірінші партиясын тасымалдаудың егжей-тегжейлі жоспарын талқылады.
Пржевальский жылқыларын тасымалдауды Чехияның Қоршаған ортаны қорғау министрлігімен бірлесіп Прага хайуанаттар бағы қамтамасыз етеді.
Қазақстанға жылқыларды реинтродукциялау үшін «Алтын дала» мемлекеттік табиғи резерватының аумағы таңдалды. Жануарлар акклиматизацияның бірінші жылын ACBK реинтродукциялау орталығында өткізеді.
Жалпы Еуропадан Қазақстанға 40 бас Пржевальский жылқысын тасымалдау жоспарлануда.
Фото: pixabay.com