Сусабын бағасы бір жылмен салыстырғанда 41,7%-ға қымбаттаған

Сарапшылар соңғы 12 айда шашқа арналған өнімдердің 606 тоннадан астам өндірілгенін атап өтті.

Қазақстанда сусабындар бір жылмен салыстырғанда 41,7%-ға қымбаттап, шаш күтіміне арналған өнімдер өндірісі 10,3%-ға төмендеген, деп хабарлайды Ұлттық статистика бюросы.

Сарапшылар соңғы 12 айда 606 тоннадан астам сусабындар, шашқа арналған спрейлер және шашты бұйралауға немесе сәндеуге арналған өнімдер шығарылғанын атап өтті.

Бұл ретте аталған өнімдердің импорты 24,3 мың тоннаны құрап, 18,1%-ға өсті, бұл импорттың жалпы көлемінің 97,6%-ын құрайды. Ішкі нарыққа сатылған өнімнің жалпы көлемі 24,1 мың тоннаны құрады. Айта кету керек, Қазақстан ТМД елдері арасында азық-түлік бағасының өсуі бойынша жетекші орын алады.