Қазақстанда көкөністердің бағасы арзандайды

Осы аптада әлеуметтік-кәсіпкерлік корпорациялардың резервтерінен әлеуметтік маңызы бар көкөністердің өңірлеріндегі қорларынан броньды алып тастау басталады, деп хабарлайды primeminister.kz. Бұл —премьер-министрдің тапсырмасы еді.

8 ақпанда Премьер-Министрдің орынбасары Серік Жұманғариннің төрағалығымен жедел кеңес өтті, онда әлеуметтік маңызы бар көкөніс қорларына броньды алып тастау схемасы ұсынылды. Сауда және интеграция вице-министрі Арман Шакқалиевтің айтуынша, комиссиялар тауар интервенцияларын бірінші кезекте пияз, одан кейін — сәбіз, картоп, қырыққабат бойынша өткізу көлемін, бағасын, шарттары мен сауда нүктелерін айқындай отырып жүргізу туралы шешім қабылдауы тиіс.

"Бақылау-кассалық аппараттарды пайдалану міндетті. Тауар интервенцияларының ұзақтығы-ақпаннан сәуірге дейін. Негізгі шарттардың бірі-бөлшек сауда бағасы қол қойылған келісімшарттар шеңберінде болуы керек", - делінген хабарламада.

Қазіргі уақытта ел бойынша пияз қорының деңгейі 130%, картоп – 118%, сәбіз – 103%, қырыққабат – 74% құрайды.

«Премьер-Министр негізгі азық-түлік бағасына қатысты жағдайды тұрақтандыру жөнінде нақты тапсырма берді. Үкіметтің ұсыныстары бар, ең бастысы – тәртіп пен орындау талап етілуде. Қырыққабат бойынша өз қорларын әлі қамтамасыз етпеген аймақтар үшін Қырғызстанда арзан бағамен келісім-шарт жасауды ұсынамын, біз “Qaztrade” АҚ арқылы қолдау көрсете аламыз. Осы уақытта көкөніс қорларын брондауды дереу бастаңыздар», — деді Серік Жұманғарин әкімдік басшыларына сөйлеген сөзінде.