«Қатенің бағасы – баланың өмірі». Қазақстанда бұрын бес жасар қызды өлтірген адамға "жұмсақ" үкім шығарған судья шеттетілуі мүмкін
Жоғарғы Сот бес жасар баланы өлтірген түрмеден босатылған адамға «жұмсақ» үкім шығарған аудандық соттың төрағасын шеттете алады, деп хабарлайды Zerkalo ҚР Жоғарғы сотының баспасөз қызметіне сілтеме жасап.
Мамыр айында ер адам денсаулыққа қасақана ауыр зиян келтіргені үшін сотталды. Оған 3 жыл мерзімге бас бостандығын шектеу түріндегі үкім шығарылды.
Ведомство күдіктіге қатысты заңсыз үкім шығару фактісі бойынша қызметтік тексеру жүргізілгенін хабарлады.
«Қорытындысы бойынша Түркістан облысы Сарыағаш аудандық сотының төрағасын атқаратын қызметінен босату мәселесі көтерілді»,-деп хабарлады баспасөз қызметі.
Естеріңізге сала кетейік, 13 шілдеде Сарыағаш аудандық полиция бөліміне жергілікті тұрғын кәмелетке толмаған қызының жоғалып кеткені туралы өтініш білдірген болатын. Жедел-іздестіру іс-шаралары барысында ауыл тұрғындарының бірінің үйінде полицейлер дене жарақаты бар қыздың денесін тапты.
Бұған дейін ол тағы бір кісі өлтіргені үшін түрмеде шамамен 10 жыл отырып шыққан болатын.
Фото: ҚР Жоғарғы сотының баспасөз қызметі