130 шетелдік Қазақстаннан мәжбүрлеп шығарылды

20 ақпаннан бастап елде «Мигрант» операциясы жүргізілуде. Бұл туралы ҚР ІІМ ресми өкілі Шұғыла Тұрлыбек хабарлады. Операция шетелдіктердің көші-қон заңнамасын бұзушылықтарын анықтауға бағытталған. Нәтижесінде көші-қон заңнамасын 7 мыңға жуық бұзушылық анықталды.

«Бір апта ішінде көші-қон заңнамасын 6836 бұзушылық анықталды. Оның ішінде 1814 шетелдіктердің елде болу мерзімін бұзуы, 1886 шетелдіктердің заңсыз еңбек қызметі фактілері, 356 жұмыс беруші шетелдік жұмыс күшін заңсыз пайдаланғаны үшін әкімшілік жауапкершілікке тартылды. Полицияны өздеріне келген шетелдіктер туралы уақтылы хабардар етпегені үшін 2727 жеке және заңды тұлға тартылды, көші-қон заңнамасын бұзушыларды елден шығару туралы соттардың 514 шешімі шығарылды. Мәжбүрлі түрде 130 шетелдік шығарылды», - деп түсіндірді Шұғыла Тұрлыбек

Бағдарламаға сәйкес, шетелдіктердіңактам тұрғылықты жерлерін, құрылыс нысандарын, базарларды, шетелдіктердің жалдамалы еңбегін пайдаланатын ұйымдар мен жұмыс берушілерді тексеру жүргізіледі.

Барлық шығарылған адамдарға Қазақстанға кіру енді бес жылға жабық.