Паркинсон ауруы бар науқастар шала туылған нәрестелерге арнап киім тоқыды

Паркинсон диагнозы бар Астаналықтар шала туылған сәбилерге арнап киім тоқыды. Сабақ «28 ілмек» еріктілер клубымен бірлесіп өткен. Бұл туралы Elitar.kz хабарлайды.

Негізгі мақсат – пациенттердің ұсақ моторикасын дамыту. Дәрігерлердің айтуынша, тоқу – ең тиімді жаттығу.

«Пациенттерді күтудегі маңызды емдеу болып табылатын тәсіл – оңалту. Яғни, олардың өздерімен, ұсақ моторикасымен жұмысы. Біз ауруханада Паркинсон ауру мектебін ұйымдастырдық. Нәтижесінде пациенттер бір-бірімен кездесіп, байланыста болып, бір-бірін қолдай алады. Жалғыз емес екендерін көре алады», –дейді ҚР ПІБ Медициналық орталығы ауруханасының нейрохирург дәрігері Талғат Ермеков.

«Бір жағынан, бұл біз үшін де жақсы нәрсе – бұл біздің қолымызға арналған жаттығу, екінші жағынан – қайырымдылық. Біз шала туылған нәрестелерге киім тоқимыз. Сабақтарда біз де әртүрлі ойындар ойнаймыз. Мысалы, аяққа арналған ойындар, өйткені бізде дискинезия бар. Біз сондай-ақ скандинавиялық серуендеумен айналысамыз. Сондай – ақ, сөйлеуде қиындықтар болмау үшін логопедпен жұмыс істейміз», - дейді науқас Шара Мұқаш.