Қазақстанда ұялы байланыс операторларына тарифтік жоспарлардың шарттарын өзгертуге тыйым салынуы мүмкін

ҚР Бәсекелестікті қорғау және дамыту агенттігінен (БҚДА) Цифрлық даму, инновациялар және аэроғарыш өнеркәсібі министрлігіне (ЦҒЗИМ) абоненттердің құқықтарын қорғау мақсатында байланыс қызметтерін көрсету қағидаларына өзгерістер енгізу туралы ұсыныс түсті. 

Агенттіктің хабарлауынша, бұған дейін оларға азаматтардан тарифтік жоспарлардың шарттары өзгеріп, бағасы көтерілуіне байланысты ұялы байланыс операторларына түскен. (ГБ ұлғаюы, дауыстық қоңыраулардың минуттары, sms хабарламалары және т.б.).

Өз кезегінде БҚДА материалдарға талдау жүргізіп, ұялы байланыс операторлары абоненттердің сұранысы аз тарифтік жоспарларға шағын көлемде ғана өзгерістер енгізетінін анықтады. Ал тарифтік жоспардың құны бір мезгілде өсіп отырған.

Осыған байланысты, ұялы байланыс операторларының абоненттерге сұранысқа ие емес қызметтерді жоғары бағада ұсынуын болдырмау үшін БҚДА байланыс саласындағы уәкілетті органға белгілі бір ұсыныстар әзірледі. Атап айтқанда: негізделген шығындарға байланысты бағаны көтеруді санамағанда, ұялы байланыс операторларының тарифтік жоспар шарттарын өзгертуіне тыйым салу. 
Атаулы ұсыныстар абоненттердің тарифтік жоспарларды оператормен келісім шарт жасасу кезінде көрсетілген шарттар бойынша пайдалануға құқығын қорғауды көздейді. Ал өзінің тарифтік жоспарының шарттарына көңілі толмаған абонент қолайлы шарттары бар басқа тарифтік жоспарға ауысуға құқылы.