Қазақстанда алкоголь өнімдерін сататындар тексерілетін болады
Тексерулерге мораторий ұзартылғанымен, мемлекеттік органдар қажет болған жағдайда рейдтер жүргізе алады.
Қазақстан алкоголь өнімдерін сататын кәсіпкерлерді лицензияға тексере бастайды, деп ескертеді Мемлекеттік кірістер комитеті. Кәсіпкерлікті тексеруге мораторий жылдың соңына дейін ұзартылғанына қарамастан, егер бизнестің жұмысы халықтың өмірі мен денсаулығына әсер ететін болса, мемлекеттік органдар рейд жүргізе алады. Бүгінде Қазақстанда 40 мыңға жуық кәсіпкер лицензия бойынша алкоголь өнімдерін көтерме де, бөлшек саудада да сатуға құқылы. Олардың басым бөлігі Алматы, Түркістан және Алматы облыстарында орналасқан. Бұл туралы inbusiness.kz жазады.
«Мораторий қайтадан күшінде, бірақ біз кәсіпкерлік және салық кодекстеріне сәйкес кейбір қызмет түрлерін тексеруге шыға аламыз. Осындай тексерулердің бірі лицензиясыз жүзеге асырылатын қызмет түрлерін анықтау болып табылады. Жақын арада бөлшек саудамен айналысатын кәсіпорындарға талдау жүргізілетін болады», - деді Қазақстан Республикасы Қаржы министрлігі Мемлекеттік кірістер комитеті Басқарма басқармасының басшысы Ерлан Далбин.
Өткен айда Алматыда полицейлер заңсыз айналымнан 8 мыңға жуық бөтелке контрафактілік алкогольді тәркіледі. Сатуға шығарылған дайын партия қала ішіндегі үш қоймада сақталды. Алматы облысы Көксай ауылында да тексерушілер 4 мыңнан астам қорап контрафактілік темекі өнімдерін анықтады.