Солтүстік Қазақстан әкімдігі кәсіпкерліктің дамуына кедергі келтірді

Солтүстік Қазақстан облысының әкімдігі бизнеске жасанды әкімшілік кедергі жасады.

Солтүстік Қазақстан облысының Қызылжар ауданында 2022 жылдың қараша айынан бері жылыжай электр қуатына қосылмаған. 24 қаңтарда Сыбайлас жемқорлыққа қарсы қызметтің СҚО бойынша департаментіне кәсіпкер жергілікті атқарушы органның әрекетіне шағыммен жүгінген.

Сыбайлас жемқорлық тәуекелдеріне сыртқы талдау жүргізу барысында АЖ басшысы коммерциялық нысанды электрмен жабдықтау желісіне қосу кезінде әкімшілік кедергіге тап болғаны анықталды.

Антикора аумақтық бөлімшесі облыстық сәулет басқармасында жиын өткізді. Желіге қосылудан бас тартуға заңды негіздер жоқ болып шықты. Қазіргі уақытта электр қуатына қосылуға рұқсат берілді.